从来未食过咁正嘅榴莲蛋糕，真係好味到冇朋_榴莲_榴莲食品

请点上面的广州微生活然后加我啦

一讲起榴莲蛋糕，成条瘾都嚟左。中意食榴莲嘅街坊都係好识食嘅街坊，但榴莲做成蛋糕係咪真係咁好食呢？今日小编一于同大家打头阵，试试哩几款榴莲蛋糕。喺未食到之前，先一睹为快养下眼先啦！

首先介绍就係哩款食过返寻味嘅：

~榴莲忘返~

哩款蛋糕係由两层软绵绵的蛋糕坯夹着两层新鲜榴莲同动物奶油制作而成嘅榴莲慕斯。

从卖相上嚟讲，哩款榴莲蛋糕简单得嚟蕴含精致不俗。可能好多人会质疑榴莲蛋糕会唔会好似榴莲糖咁，有榴莲味但就唔够鲜味？于是小编将蛋糕一放入口，不得了！一时之间居然分唔清到底我係食紧新鲜榴莲？定係食紧蛋糕，俾果种咁正嘅味道吸引住，直头着咗迷。

果种爽滑通透和鲜味，係恰到好处！比起食新鲜榴莲，有过之而无不及。

总结：哩款榴莲忘返俾我印象，比较有内涵嘅一款榴莲蛋糕，无论口感同味道，真係搵唔到破绽去弹。

跟住哩款就係卖相同味道都顶呱呱嘅：

~榴莲芒果双拼~

哩款双拼蛋糕综合指数相当高，由拿破仑芒果拼榴莲忘返，哩个拿破仑酥皮係店家自制嘅酥皮，夹着芒果冰淇淋组成。

哩款蛋糕，食法好多种，适合唔同街坊嘅口味。小编食嘅时候係故意将佢切为好多份，然后将榴莲忘返同拿破仑芒果嘅部分沟埋一齐入口。几种口味同口感一齐嚟，小编觉得係最正嘅。鲜味通透嘅榴莲蛋糕加芒果再加又香又酥脆嘅口感，正！

可能有街坊特别中意食榴莲忘返，于是可以再续情缘咁食果一半，有D中意食拿破仑芒果嘅味道，其实点都得！

总结：哩款蛋糕最大优胜之处就係一次满足双重愿望，卖相真係冇得弹，综合每个细节都落足心思，非常容易赢得吃货嘅食欲！同埋滴餐具包装好高档，刀叉系环保刀叉，可以重复使用！

仲有一款，睇嘢啦！就係：

~榴莲冰淇淋蛋糕~

由动物奶油加安佳黄油，当然唔少得嘅就係新鲜金枕榴莲制作而成嘅天然冰淇淋。

食落嘅口感，有榴莲忘返嘅效果加上食雪糕嘅口感，冻得嚟够爽滑！天气开始慢慢会热，哩款蛋糕一定会有效激活各位嘅胃口。

哩款榴莲冰淇淋蛋糕可以叫做榴莲雪糕都得，你米睇佢外表平平,小编可以话你听，从口感味道嚟讲哩款蛋糕绝对係终极武器。食嘅过程係令你无法控制住食少D，就算饱咗都继续想食！因为佢冻同爽嘅感觉再加上榴莲鲜味，仲可以带俾你梦幻嘅感觉，直接令你举手投降。

总嘅嚟讲，三款蛋糕係各有优势！虽然都係榴莲蛋糕，但唔同嘅制作方式同用料，就会产生唔同嘅口感效果。设计哩几款蛋糕嘅人相当有心思，可以讲係造福吃货！